ಅವನೆಂದರೆ ಆಕೆಗೆ ಪ್ರೀತಿ, ಮಮಕಾರ, ಸರ್ವಸ್ವ, ಸಾಕ್ಷಾತ್ ಕೃಷ್ಣನ ಭಾವರೂಪ. ಆಕೆಯ ಪುಟ್ಟ ಪ್ರಪಂಚವನದಲ್ಲಿ ಇಂಪಾದ ಕೊಳಲ ದನಿ ಇವನು.
ಈ ಪುಟ್ಟ ಕೃಷ್ಣನ ಯಶೋಧೆಯಾಗಿ, ಆತನ ಮುದ್ದಾಡಿ ತನ್ನ ದಿನಚರಿ ಶುರು ಮಾಡುವುದೇ ಇವಳ ಕಾಯಕ. ಮುಂಜಾವಿನಲ್ಲೇ ಅವನಿಗೆ ಎಣ್ಣೆ ಸ್ನಾನವ ಮಾಡಿಸಿ, ಧೂಪವ ತೋರಿಸಿ, ರಂಗವಲ್ಲಿಯ ಹಾಕಲು ಅವನ ತುಂಟಾಟಗಳು ಶುರು.
ಈ ತಾಯಿ ಮಗುವಿನ ಸಂಬಂಧ ಅವಿನಾಭಾವ, ಅಭೂತಪೂರ್ವ. ಮಗು ದೇವರಂತೆ, ಇನ್ನು ದೇವರ ತಾಯಿ ದೇವತೆಯಾಗದೆ ಹೇಗೆ ಉಳಿದಾಳು.?
ಜಗತ್ತಲ್ಲಿ ನಿಶ್ಕಲ್ಮಶ, ನಿಸ್ವಾರ್ಥ, ಶುದ್ಧ ಪ್ರೇಮವೊಂದಿದ್ದರೆ ಅದು ತಾಯಿ-ಮಗುವಿನದ್ದು ಮಾತ್ರವೇ!! ❤